La moussaka

Osce la nonna m'e ddemmandatu la ricetta de la moussaka, piccè l'e pjacjutu propria tantu. Cussì agghju decetutu cu lla scriu an salentinu, pruandu ccerte sperementazioni urtugràfiche ca agghju penzatu. Lassu ccŭai la ricetta, vi cunsigghju cu lla pruati piccè eti propria sapurita!!!

MOUSSAKA (Crecja)

INCREDJENTI (pe cŭattru cristjani):

Nnu chilu de marancjane

Do’ cucchjari de ŭegghju d’ulia

Nna cepuḍḍa crande tagghjata fine fine

Cŭattrucentucincŭanta crammi de carne de vitellu macenata

Nnu bicchjere de mjeru bjancu

Bescjamella

Nnu chilu de pummitori

Sale, pipe, arjenu e petrusinu

Vinticincu crammi de casu rattatu

Cŭattru patati crŭesse

Eti assai mpurtante usare marancjane frische! La carne se po’ pprepara’ puru lu scjurnu prima, ma li marancjane l’a’ pprepara’ lu scjurnu stessu!

1) Preparazione de la carne

Suffríscere le cepuḍḍe tagghjate fine fine ntra ddo’ cucchjari de ŭegghju fenca ffarle mbrunire. Doppu scjúngere la carne e cucenare tuttu nsjemi fenca la carne ccumenza a ccancjare de culure. A cŭistu puntu scjúngere lu mjeru, li pummitori tagghjati fini, li ndori, lu sale e lu pipe. Ncuperchjare e cucenare pe vvinti minuti fenca l’accŭa de cuttura de la carne ‘e ssurbuta cumpretamenti, mmešcandu cu no’ ss’attacca. An fine scjúngere lu petrusinu e lu casu rattatu.

2) Preparazione de le marancjane

Tagghjare le punte de le marancjane, ma senza nnettarle. Scjaccŭarle e uttenire fette de menu de nnu centímetru de spessore; doppu minterle sutta sale, lassarle nnu picca a repusare, e scjaccŭarle nn’àutra vota. Fríscerle ntra ŭegghju de sementi, cu llu fŭecu bašcju, fenca dêntare leggermenti durate de tutti do’ lli lati, doppu lassarli sculare sobbra la carta ssurbente. Cci vŭè nna versione nnu picca chjú leggera, mbece cu frisci li marancjane, li pue’ cucena’ ntra llu furnu o sobbra nna pjastra.

3) Preparazione de li patati

Li patati vannu tagghjate fine fine e sartate ntra nna patella cu ŭegghju de sementi. Cci vŭè nna versione chjú leggera, li patati ponnu èssere delessate.

4) Preparazione de la moussaka

Ntra nna tegghja fare nnu stratu cu mmetà de le marancjane. Cuprire cu nn’àutru stratu de patati. Cuprire cu llu cumpostu de carne preparatu prima. Cuprire cu nn’àutru stratu de marancjane. An fine cuprire tuttu cu lla bescjamella, casu rattatu e nnu picca de pane rattatu.

Cucenare ntra llu furnu pe nn’ora a 180ºC, fenca sobbra la superfice s’e ffurmata nna scorza scura.
Lassare ddefríddere pe llu menu 10 minuti prima de servire.